Donald Trump ka zgjedhur Senatorin e Ohajos, James David Vance si zëvendësues të tij në rast të fitores në zgjedhjet presidenciale të nëntorit në SHBA. I lindur në vitin 1984 me emrin James David Boumën në Midëlltaun, ai vjen nga një familje e bardhë, e klasës punëtore me origjinë skoceze dhe irlandeze. Ai u rrit nga gjyshërit e tij nga nëna në vendin që dikur ishte në lulëzim prej qymyrit, por që tani është një prej zonave më të varfëra të SHBA. Vance iu bashkua marinsave për katër vjet dhe shërbeu në Irak përpara se të shkonte në Universitetin Shtetëror të Ohajos, ku mori diploma në shkenca politike dhe filozofi. Prej atje, ai ndoqi shkollën juridike të Jale dhe më pas shkroi një kujtim të suksesshëm, Hillbilly Elegy, që disa recensues e përshkruan si një dritare për një klasë konservatore të bardhë punëtore që shpesh anashkalohet. Në vitin 2017, Vance u kthye në Ohio nga Kalifornia, ku kishte punuar në bioteknologji dhe krijoi kompaninë e tij. Në fillim të vitit 2021, Peter Thiel, themelues i PayPal dha 10 milion dollarë për të ndihmuar kandidaturën e tij për në Senat.