Gjykata e Bosnje Hercegovinës ka kërkuar që të lëshohen fletarrestime ndërkombëtare, përmes INTEPOL-it, për presidentin e Republikës Sërpska, Millorad Dodik, dhe kryetarin e Kuvendit Popullor të këtij entiteti serb, Nenad Stevandiç. Gjykata e Bosnjes tha për Radio Evropa e Lirë se ka dërguar te Interpol kërkesën për shpalljen e fletëarrestimit ndërkombëtar për Dodik. Nga Gjykata e Bosnje e Hercegovinës është bërë e ditur se fletarrestimet ndërkombëtare janë kërkuar më 26 mars nga Prokuroria e Bosnjë e Hercegovinës, që akuzon Dodik dhe Stevandiç për sulm ndaj rendit kushtetues. Bosnja akuzon Dodik se duke shfrytëzuar postin e tij kërkon shkëputjen nga federata dhe ka nxitur tensione. Megjithatë, si Dodik ashtu edhe asistentët e tij nuk ndodhen në Bosnje. Dodik u largua nga Serbia në drejtim të Izraelit dhe bashkë me të dyshohet se janë arratisur edhe ndihmësit e tij.