Presidenti amerikan Donald Trump ka diskutuar "një gamë mundësish" për të shtënë në dorë Groenlandën, përfshirë blerjen ose përdorimin e ushtrisë, tha Shtëpia e Bardhë. Sipas Shtëpisë së bardhë, blerja e Groenlandës, një rajon gjysmë-autonom i Danimarkës, anëtare e NATO-s, është një "prioritet i sigurisë kombëtare". Deklarata erdhi disa orë pasi udhëheqësit evropianë lëshuan një deklaratë të përbashkët duke mbështetur Danimarkën, e cila ka kundërshtuar ambiciet e Trump për ishullin në Arktik. Trump përsëriti gjatë fundjavës se SHBA "kishte nevojë" për Groenlandën për arsye sigurie, duke bërë që kryeministrja daneze Mette Frederiksen të paralajmëronte se çdo sulm nga SHBA-të do të shënonte fundin e NATO-s.