Sanie Selmani, e ëma e autorit të dyshuar për vrasjen me thikë të partneres së tij 21 vite më të re, Kozeta Teço brenda banesës së saj në Pogradec, ka folur jashtë kamerave për ngjarjen. E ëma e autorit të dyshuar është shprehur se djali I saj nuk mund të vriste askënd. Sipas saj, 31-vjeçari Ilirjan Selmani mëngjesin e krimit, ishte kthyer nga Korça dhe shkoi në banesën e viktimës për të marrë mbeturinat, për t’I hedhur në kosh, pasi sipas saj, viktima nuk mund të lëvizte. ‘Nuk e ka bërë ai ketë vrasje, nuk ka prova’, mësohet të ketë thënë nëna e autorit. Ajo u shpreh se nuk ishin dakord për lidhjen që Ilirjan Selmani kishte krijuar me viktimën, dhe se nuk i kishin kërkuar të ndaheshin. E ëma e 31-vjeçarit është shprehur se I biri nuk krijonte probleme, dhe se vuante nga zemra. ‘. Kam lexuar në mëdia shume gënjeshtra për djalin tim, dje erdhën shume policë, desh e mbytën kur e moren’, ka deklaruar ajo. Sanie selmani ka kërkuar të zbulohet e vërteta, pasi sipas saj, I biri nuk është siç transmetohet në media.