Presidenti i 47-të i Shteteve të Bashkuara të Amerikës, Donald Trump do të marrë zyrtarisht detyrën në Shtëpinë e Bardhë më 20 janar, në një ceremoni zyrtare që do të bëjë gjitë botën të mbajë frymën. Të ftuar janë politikanë të nivelit të lartë vendas dhe të huaj, artistë dhe CEO të disa nga kompanitë më të suksesshme në vend. Sipas burimeve, kryeministri i Shqipërisë Edi Rama më 20 janar, ditën e inagurimit të Donald Trump, ka në axhendën e tij, pjesëmarrjen në forumin botëror ekonomik në Davos, ndaj pritshmëritë janë që të mos jetë i pranishëm në ceremoninë e betimit të presidenit të Shteteve të Bashkuara të Amerikës. Takimi Vjetor mbledh liderët globalë për të adresuar sfidat kryesore globale dhe rajonale, duke përfshirë reagimin ndaj goditjeve gjeopolitike, stimulimin e rritjes për të përmirësuar standardet e jetesës dhe administrimin e një tranzicioni të drejtë dhe gjithëpërfshirës të energjisë. Kryeministrja italiane, Giorgia Meloni është në mesin e të ftuarve në momentin e marrjes së pushtetit nga Donald Trump. Presidenti i Kinës është ftuar në ceremoni, por në vend të tij do të jetë i pranishëm një përfaqësues i nivelit të lartë.