Kryeministri në detyrë, Albin Kurti u takua me Presidenten Vjosa Osmani në përpjekjen e radhës në Prishtinë për konstituimin e kuvendit të ri të vendit. Kurti tha se me Presidenten ka diskutuar nevojën për konstituimin e Kuvendit sa më parë nën dritën e vendimit të Gjykatës Kushtetuese. Kurti - Afatet po rrjedhin. Në javën e fundit të korrikut duhet që ta konstituojmë legjislaturën e nëntë. Do të bëjmë çmos që në frymën e bashkëpunimit, me konsultime të dendura dhe konstruktive dhe gjithashtu me idenë e konsensusit apo kompromisit ta realizojmë këtë gjë, në mënyrë që më pastaj të kalojmë te formimi i qeverisë së re që i përgjigjet kuvendit të ri të Republikës. Osmani thirri për takim udhëheqësit e partive politike në Kosovë për të tejkaluar ngërçin që ka zaptuar kuvendin e ri. Vetëvendosje këmbëngul të kandidatura e Albulena Haxhiut dhe votimi i fshehtë, ndërsa nga opozita e konsiderojnë si ekstraligjorë kërkesën për votim të fshehtë të kryetares së Kuvendit.