Projekti për ndërtimin e një parku fotovoltaik në fshatin e Kaninës në Vlorë solli debate mes pozitës dhe opozitës në këshill bashkiak. Dhënia në përdorim për një afat dhjetë vjeçar të sipërfaqes kullosore u hoq nga rendi i ditës me arsyetimin se bashkia nuk figuron si zotëruese e titullit të pronësisë së këtij trualli. Por, këshilltarët e opozitës shprehen se ky motivacion nuk qëndron Atird Hoxha: “Nuk kemi asnjë shkresë të datës 18 që të thotë se bashkia e Vlorës nuk e ka të regjistruar këtë. Bashkia e ka dhe ju ndoshta e dini. Kam dëgjuar që vendimet e këshillit bashkiak diskutohen edhe në Partinë Socialiste. Ne jemi institucion i pavarur. Me VKM të gjitha kullotat kanë kaluar në pronësi të bashkisë, bashkia ska shkuar të bëjë procedurat.” Sinkron këshilltar i opozitës: “Ky projektvendim është hera e dytë që vjen në këshill, është bërë dëgjesë publike, janë dëgjuar banorët dhe administrata në gjithë këtë periudhë nuk paska patur mundësi që të kërkojë në ASHK a e ka në pronësi apo jo. E dyta, të kuptojmë pasi të merrni dokumentacionin do e sillni prapë këtë projektvendim apo jeni tërhequr nga ky projekt?”