Kryetari i Lidhjes Demokratike të Kosovës, Isa Mustafa, njoftoi se ka vendosur të tërhiqet nga posti pas rezultatit të partisë së tij në zgjedhjet parlamentare të 14 shkurtit. “Së shpejti, Kuvendi i LDK-së do ta zgjedhë kryetarin e ri”, deklaroi Mustafa. Rezultatet paraprakë e rendisin LDK-në në vend të tretë me rreth 13 % të votave, shumë larg partisë së parë, Vetëvendosje që siguroi gati 48 %. E dyta ishte Partia Demokraike e Kosovës, me rreth 17 për qind të votave. Diferenca dhe për këtë dytën ishte e ndjeshme, por për LDK-në, goditja konsiderohet dërrmuese duke pasur parasysh që në zgjedhejt parlamentarë ajo kishte siguruar gati dyfishin e votave të tanishme, apo rreth 24%. Mustafa u shpreh se vlerëson personalisht që ky rezultat zgjedhor ishte shumë I keq për të. “ Kandidati Avdullah Hoti ka bërë një punë të mirë dhe të suksesshme dhe ka prezantuar programin qeverisës. Por vota e qytetarëve është ajo që duhet të respektohet dhe per kete, unë kam njoftuar kryesinë se do të thereas kuvendin e LDK për zgjedhjen e kryetarit të ri brenda një periudhe sa më të shpejte kohore. Vlerësoj se mbaj një përgjegjësi për këtë që ka ndodh edhe pse nuk kam qenë në proces të zgjedhjes”, tha Mustafa…