Në përfundim të numërimit të 19 kutive të votimit nga 43 gjithsej që u përdorën për votimin e diasporës, rezulton se Lëvizja Vetëvendosje kryeson me 81.9 për qind të votave, ose 3 mijë e 305 vota. E dyta është Lidhja Demokratike e Kosovës me 7.21 për qind të votave, që përkthehen në 291 vota. Partia Demokratike e Kosovës renditet e treta me 5.75 për qind të votave ose 232 vota, ndërsa Aleanca për Ardhmërinë e Kosovës ka marrë 1.54 për qind të votave, që janë 62 vota. Në procesin e votimit jashtë vendit në ambasada dhe konsullata u regjistruan 15 mijë 352 shtetas të Kosovës të cilët kanë marrë pjesë në votimin fizik në 19 shtete të botës. Pas përfundimit të numërimit të votave nëpër misionet diplomatike, do të nisë numërimi i votave të ardhura me postë nga diaspora. Sipas asaj që ka planifikuar Komisioni Qendror i Zgjedhjeve, pritet që rezultatet përfundimtare të shpallen deri më 5 mars dhe të certifikohen deri më datë 18 mars.