Antonela dhe Marinela Berisha të cilat dhunuan me sende të forta blogeren Kela Prenga u vetëdorëzuan në policinë e Tiranës këtë të mërkurë. Ato u praqitën në ambiente te drejtorisë së policisë së kryeqytetit rreth orës 19:00. Ato ishin shpallur në kërkim prej muajit gusht. Ndaj Marinela Berishës gjykata e Tiranës ka caktuar masën e sigurimet Arrest me Burg, ndërsa ndaj Antonelës detyrim paraqitje. Dy motrat Berisha sulmuan në ambientet e një lokali blogeren pas një konflikti që patën me të duke I shkaktuar plagë të shumta në fytyrë, të cilat sipas ekspertizës mjekësore janë të pariparueshme. ato u vendosën nën hetim pas denoncimit të bërë në rrjetet sociale nga ana e Prengës e cila u shfaq në ambientet e spitalit duket treguar plagët që kishte marrë si pasojë e dhunës së ushtruar nga motrat Berisha.