Viktimat e dhunës seksuale gjatë luftës në Kosovë po heqin dorë nga ndjekja e rrugës ligjore për njohjen e statusit për shkak të kostove të larta financiare që ky proces ka. Në një intervistë për KosovaPress, Fatmire Haliti, juriste në Qendrën për Rehabilitimin e të Mbijetuarve të Torturës shpjegon kostot që shoqërojnë këtë proces që prej momentit kur dorëzohet padi në gjykatë. Haliti: “Në këto raste, në momentin që e dorëzojnë padinë në gjykatë, është një taksë gjyqësore prej 50 euro që duhet ta paguajnë qysh në fillim, mandej çdo shkresë të hartuar nga avokatët që i angazhojnë privatisht duhet të paguhen, po ashtu çdo seancë që e mbajnë në gjykatë duhet të paguhen avokatët e po ashtu në rast se duhet edhe instanca tjera të shkojë rasti duhet të paguhen avokatët”