Partia Demokratike tashmë ka marrë në dorëzim nënshkrimet e shqiptarëve me banim jashtë vendit që vërtetojnë se materialet zgjedhore janë tërhequr personalisht nga zgjedhësit. Në një përgjigje për shoqatën ‘Diaspora për Shqipërinë e Lirë’, Komisioni Qëndror i Zgjedhjeve konfirmon se kompania DHL ka vënë në dispozicion të institucionit të gjitha të dhënat përkatëse, në formatin USB. Me vendim të KAS, ky material i është vënë në dispozicion koalicionit Partia Demokratike-Aleanca për Shqipërinë Madhështore.