Me kërkesë të SPAK, GJKKO firmosi masën “arrest në shtëpi” për avokatin Besart Logu, i dyshuar për kryerjen e veprës penale “ushtrim i ndikimit të paligjshëm”, parashikuar nga neni 245/1 i Kodit Penal. Logu dyshohet se i ka premtuar një klienti italian lirimin nga qelia, duke thënë se ai do ndërhynte te prokurori dhe gjyqtari i çështjes, në këmbim të një shume parash prej 8000€ për ‘I zbutur ati masën e sigurisë. Këto para, thotë prokuroria e posaçme, avokati ia ka marrë klientit, i cili mbahet në qeli për mashtrim me TVSH, por i ka mbajtur vetë duke “shkelur” premtimin. Hetimi po ndiqet nga prokurorja Doloreza Musabelli, e cila e ka dokumentar rastin pas hetimeve. Paratë e kërkuara u regjistruan me numër serie, ndërsa hetimet vijojnë për të zbuluar persona te tjerë të dyshuar ose funksionarët e drejtësisë që do te ndikoheshin nga avokati. Më herët në banesën dhe zyrën e avokatit u ushtruan kontrolle nga agjentët e BKH, me qëllim gjetjen e provave materiale që mund t’i shërbejnë hetimit të mëvonshëm. Prokuroria e Posaçme ende nuk ka dalë me komunikatë zyrtare lidhur me këtë rast.