Ka dështuar për 43-tën herë përpjekja për konstituimin e Kuvendit të Kosovës, pas zgjedhjeve të 9 shkurtit, ku Lëvizja Vetëvendosje e drejtuar nga Albin Kurti këmbëngul në votimin e Albulena Haxhiut si kryeparlamentare, e nga ana tjetër opozita refuzon atë emër. Kurti kërkon ngritjen e një komisioni për realizimin e votimit të fshehtë për zgjedhjen e kreut të Kuvendit, por opozita refuzoi sërish propozimin e emrave nga radhët e tyre, duke e konsideruar këtë proces si të papajtueshëm me Kushtetutën.