Testimi i raketës Trident nga një nëndetëse e marinës mbretërore britanike, ka dështuar për të dytën herë radhazi. Testi më i fundit u kthye nga HMS Vanguard në brigjet lindore të shteteve të bashkuara. Motorët shtytës të raketës dështuan dhe ajo ra në det, afër vendit të lëshimit sipas britanikes The Sun, që e raportoi e para keqfunksionimin. Raketa, normalisht mban mbushje bërthamore, por në testim, kjo nuk ndodh. Ky dështim i dytë është i sikletshëm si për Britaninë e Madhe ashtu edhe për prodhuesin amerikan të raketës Trident. Testet britanike të raketave Trident janë të rralla, kryesisht për shkak të kostos. Cmimi fillestar i një rakete është rreth 17 milionë paundë. Si sekretari britanik i mbrojtjes Grant Shapps ashtu edhe shefi i marinës ishin në bordin e HMS Vanguard, kur u krye testi i raketës së pa armatosur në janar. Supozohej se ajo do të fluturonte për disa mijëra kilometra para se të binte në atlantik, pa shkaktuar dëme, mes Brazilit dhe Afrikës perëndimore. Por, në të vërtetë, raketa ra në oqean jo larg nga vendi i lancimit.