Një rast i armëmbajtjes pa leje u godit nga policia në Delvinë. Aksioni u zhvillua pas informacneve të siguruara në rrugë operative nga ana e strukturave të inteligjencës se 47-vjeçari Laert Tozaj fshihte armë në banesë. Menjëherë uniformat blu u vendosën në lëvizje dhe organizuan operacionin e koduar ‘Sunrise’. Gjatë kontrollit të ushtruar në banesë, agjentët gjetën dhe sekuestruan në cilësinë e provës materiale: 1 armë zjarri automatike tip kallashnikov, 1 armë gjahu çifte, 1 krehër kallashnikovi, 2 krehra pistolete dhe një sasi fishekësh. Ndaj 47-vjeçarit rëndon akuza për armëmbajtje pa leje. Ndërkohë materialet I kaluan për veprime të mëtejshme prokurorisë së Sarandës.