Presidenti I Republika Srpska në Bosnjë Hercegovinë, Millorad Dodik, është dënuar me vendim të formës së prer, me një vit burg dhe 6 vite mosushtrim të funksioneve politike, pasi akuzohet për mosrespektim të Përfaqësuesit të LArtë, Christian Schmidt. Vendimi është marrë nga Gjykata e apelit, ku trupa e përbërë prej 3 anëtarësh, Amella Huskiq, Vesna Jesenkoviq dhe Hillmo Vuçiniq, lane në fuqi vendimin e marrë nga Shkalla e parë e gjyqësorit, më 26 shkurt të këtij viti. Vetë dodik por edhe disa zyrtarë të etnitetit serb në Bosnjë morën vendime e qëndrime që bienin në shkelje me Kushtetutën, çka solli edhe dënimin në fjalë. Kundër vendimit të shkallës së parë të Gjykatës së Bosnjë e Hercegovinës apeluan si përfaqësuesit ligjor të Dodik, ashtu edhe vetë Prokuroria e Bosnjë e Hercegovinës. Kjo e fundit kërkonte denim më të ashpër me burg si dhe zgjatjen e ndalimit për ushtrimin e funksioneve, ndërsa mbrojtja ka kërkoi anulimin e aktgjykimit. Pavarësisht dy kërkesave Apeli la në fuqi vendimn e Shkallës së Parë. Dodik është shpallur fajtor për nënshkrimin e dekretit për shpalljen e ligjeve që më herët ishin anuluar nga Përfaqësuesi i Lartë në Bosnje e Hercegovinë, Christian Schmidt.