Pas përgjigjes së Komisionit të Venecias për mandatin e deputetes Olta Xhaçka,vijon beteja mes demokratëve e socialistëve. PArtia Demokratike, nëpërmjet kreut të grupit parlamentar të PD, kërkon nga kryeparlamentarja Elisa Spiropali, duke vënë në dijeni edhe Trupit Diplomatik në Tiranë, zbatimin e vendimeve të Gjykatës Kushtetuese për mandatin e deputetes Olta Xhacka. Gazment Bardhi kujton se “Opinioni këshillimor i Komisionit të Venecias arrin vetëm në një konkluzion/këshillë: Detyrimin e Kuvendit që të zbatojë vendimet e Gjykatës Kushtetuese, si element bazë i shtetit të së drejtës. Ashtu siç qartësisht Komisioni i Venecias është shprehur, në rastin e zbatimit të vendimeve të Gjykatës Kushtetuese, Kuvendi nuk po detyrohet që të votojë në një mënyrë të caktuar, por po përmbush vetëm përgjegjësinë e tij për të respektuar Kushtetutën dhe vendimet e Gjykatës Kushtetuese.”.