Qarkullimi i automjeteve në Tiranë, ishte tema e radhës e trajtuar nga kryetari i Bashkisë Erion Veliaj, në rubkrikën e përjavshme. Veliaj u shpeh se Bashkia, ka sjellë konceptin e “demokracisë së rrugës”, meqensë kryeeqyteti rritet çdo vit me dhjetëra mijëra banorë të rinj. “Dikur në ‘Rrugën e Durrësit’, automjetet dhe transporti urban ndanin bashkë të njëjtat korsi, duke mbuluar 60% të hapësirës. Kurse këmbësorët mbeteshin me 40% të hapësirës dhe infrastruktura e biçikletave ishte zero. Hapësira e këmbësorëve në fakt mbetet e njëjta, 40% e pa prekur, ndërsa hapësira që ua kemi marrë makinave dhe e kemi kaluar për biçikletat, të cilat sot kanë 13% të hapësirës së lëvizjes, është një ndarje më demokratike e kësaj hapësire të lëvizjes dhe shumë herë më e drejtë se ajo që gjetëm, dhe meqë ra fjala, edhe me një trafik më të lirshëm në ‘Rrugën e Durrësit’”.