Pas publikimit të pamjeve duke kërcyer në një festë private, kryeministrja finlandeze, Sanna Marin është detyruar nga opinioni publik të bëjë testin e drogës. Por edhe pse ka rezultuar negative, reagimet negative negative ndaj videos së kryeministres duke u dëfryer me miqtë e saj, vazhdojnë. Marin, e cila në moshën 36-vjeçare është një nga lideret më të rinj të shtetit në botë, mbrojti sjelljen e dhe mohoi me forcë përdorimin e drogës. “Unë nuk kam përdorur drogë vetë, apo asgjë tjetër përveç alkoolit. Unë kam kërcyer, kënduar dhe festuar në mënyrë të ligjshme”, tha ajo në një konferencë për shtyp. Në regjistrimet, të cilat supozohet se janë marrë nga një llogari private në Instagram, Marin dhe një grup shokësh – mes tyre muzikantë finlandezë, personalitete televizive dhe politikanë – shihen duke kërcyer dhe kënduar.