Dëbimi i diplomatit Alexey Krivosheev e ka shqetësuar Moskën zyrtare. Zëvëndesministri I jashtëm rus, Alexander Grushko, u shpreh se Rusia do t`I përgjigjet kësaj lëvizjeje të përceptuar prej saj si jo miqësore. “ Na vjen shumë keq për këtë lëvizje, e cila është padyshim një provokim që synon të cënojë marrëdhëniet ruso-shqiptare. Është e qartë se një hap I tilël nuk do të mbetet pa përgjigje”, citohet të ketë thënë Grushko. Më herët për këtë zhvillim reagoi dhe ambasada ruse në Tiranë, e cila tha se I konsideron sit ë paarsyeshme pretendimet e ngritura ndaj diplomatit të saj. “ Ne I konsiderojmë të pabazauara të gjitha akuzat ndaj diplomatit rust ë përmendura në këto dokumente. Ne gjithashtu vërejmë se zbulimi I emrit të punonjësit tonë në njoftimin për shtyp kundërshton ashpër praktikën ndërkombetare diplomatike”, thuhej në njoftimin e saj. Të enjten, Shqipëria shpalli diplomatin rus Aleksei Krivosheev persona non grata, duke i kërkuar atij të largohej nga vendi brenda 72 orësh. Ministria e jashtme e Shqipërisë tha se kishte kontaktuar ambasadorin rus në Tiranë, Mikhail Afanasyev duke shprehur shqetësim në lidhje me shkeljet e vazhdueshme të masave për të luftuar COVID-19 nga diplomati i ambasadës ruse.