Dy ditë më parë Autoriteti për Informimin mbi Dokumentet e ish-Sigurimit të Shtetit doli në një njoftim zyrtar, ku tha se zyrtari i lartë me inicialet I.M. ka qenë bashkëpunëtor i sigurimit të shtetit në kohën e komunizmit dhe se në atë kohë ka spiunuar për një shok që donte të arratisej. Prej dy ditësh, kjo ka qenë cështja më e diskutuar në media dhe pikërisht kjo temë krijoi debat këtë të enjte në sesionin e fundit parlamentar, mes kreut të grupit parlamentar të PS Tualant Ballës dhe deputetëve të tjerë që ishin të pranishëm në sallë. Partia e Lirisë, nuk mundi të heshtë përballë akuzave të Ballës. Deputeti Petrit Vasili jashtë dyerve të Kuvendit, e cilësoi autoritetin e dosjeve, një institucion që vetëm shpif dhe manipulon, duke shkelur ligjin për ti shërbyer interesave të mazhorancës.