Pronari i një lokali në Durrës është arrestuar, pasi ka shkelur në mënyrë të përsëritur protokollet e sigurisë, të vendosura nga Akti Normativ për masat anti-covid, duke organizuar dasëm, si dhe ka kundërshtuar urdhrin e policies. 52-vjecari ishte gjobitur 2 herë nga shërbimet e Policisë Durrës, si dhe I ishte mbyllur aktivitetit për një periudhë 6-mujore, e megjithatë ai vazhdonte të zhvillonte dasma në lokalin e tij. Sipas njoftimit të policisë specialistët për Hetimin e Krimeve në Komisariatin e Policisë Durrës, arrestuan në flagrancë 52 vjeçarin, banues në Durrës, pasi si pronar i një subjekti në lagjen nr.15, në këtë qytet, u konstatua nga shërbimet e Policisë duke organizuar ceremoni martesore në kundërshtim me Aktin Normativ për marrjen e masave me qëllim parandalimin e përhapjes së COVID-19 Ai ishte ndëshkuar më parë 2 herë me masë administrative me nga 1.000.000 lekë si dhe me mbyllje të aktivitetit për një periudhë 6-mujore.