Policia e Durrësit ka ndëshkuar me masë administrative 1 milion lekë administratorin e një lokali, pasi organizoi dasmë në kundërshtim me Aktin Normativ. Strukturat e Drejtorisë Vendore të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në fshatin Shkallnur, një lokal që kishte organizuar dasmë në kundërshtim me Aktin Normativ, duke mos respektuar distancën e sigurisë midis personave. Për këtë subjekt shërbimet e Policisë kanë vendosur masë administrative 1 milion lekë. Organizimi I ceremonive festive si dasmat apo atyre mortore janë të ndaluara që nga fillimi I masave shtrënguese për parandalimin e përhapjes së pandemisë. Masa e rëndë administrative me gjobë prej 1 milion lekë për shkelësit u vendos në Aktit Normativ të 20 korrikut 2020, së bashku me vendimi për ndalimin e aktivitetit të klubeve dhe lokaleve të natës me muzike live dhe moslejimi i muzikës së lartë në baret e restorantet e tjera, kjo si një masë për të parandaluar përhapjen e koronavirusit, duke marrë shkas nga numri i lartë i infektimeve që vazhdon prej javësh në vendin tonë.