Kandidatët republikanë për president kanë ndarë një skenë për herë të parë në garën për Shtëpinë e Bardhë në vitin 2024 në një event të fushatës në Iowa. Rivalët kryesorë Donald Trump dhe Ron DeSantis kryesuan mbledhjen e fondeve vjetore të Darkës Lincoln të partisë republikane, teksa të 13 kandidatëve iu dhanë 10 minuta kohë për të folur gjatë aktivitetit. Sondazhet tregojnë se Trump mban një epërsi ndaj rivalëve të tij edhe pse problemet e tij ligjore rriten. Ai u tha të pranishmëve se ishte i vetmi kandidat që mund të fitonte zgjedhjet e vitit të ardhshëm dhe theksoi se kjo ishte arsyeja e vetme që ai përballet me një sërë akuzash penale dhe civile. Trump ka këmbëngulur tashmë se ai do të vazhdojë të kandidojë për Shtëpinë e Bardhë, edhe nëse dënohet. Kandidatët republikanë kishin secili suitën e tyre në prapaskenë, nga e cila dolën për të mbajtur fjalimin e tyre dhjetë minutësh. Ata në fakt nuk duhej ta shihnin fare njëri-tjetrin, teksa në sallë ishin rreth 1200 njerëz, të gjthë me ndikim të madh mes republikanëve. Mbledhja e fondeve të së premtes vjen një ditë pasi u ngritën akuza të reja kundër Trump për keqpërdorimin e supozuar të tij të dosjeve të klasifikuara. Sipas një sondazhi të FiveThirtyEight, Trump kryeson me 52.4%, I ndjekur nga Guvernatori i Floridës DeSantis me 15.5% dhe të gjithë të tjerët janë nën 10% në garën republikane.