Dajti, ose Qafë Molla në po këtë zonë është një vend, që pakkush e njeh, por disa vrasje që janë zbuluar, apo identifikuar atje, e kanë kthyer tashmë në një pikë strategjike të ekzekutimeve perfekte. Në disa raste, krime pa autorë e në disa të tjera, vrasësit nuk janë treguar të kujdesshëm. Mungesa e kamerave të sigurisë, distanca e largët nga zonat e populluara dhe mungesa e kontrolleve nga patrullat e policisë janë elementët që e bëjnë Malin e Dajtit, një zonë ku kryhen shpesh krime dhe në disa raste krime makabre. Vetëm të shtunën, biznesmeni Ruzhdi Hoxha u gjet i ekzektuar me dy plumba në Qafë Mollë në zonen e Dajtit, teksa trupi i pajetë dyshohet se ndodhej prej më shumë se 10 ditësh i hedhur në një humnerë dhe i mbuluar me gurë dhe zhavor për t’u mos u gjetur ndoshta kurrë. Autori i kësaj ngjarje dyshohet se është shoku i tij, Fredi Rrushi, i ndihmuar dhe nga vëllai Pajtim Rrushi, të cilët tashmë janë arrestuar nga Policia.