Kremlini ka hedhur akuza të forta ndaj perëndimit duke thënë se diplomatët rusë jashtë vendit po përballen me abuzime dhe kërcënime te ndryshme. Zëdhënësja e Ministrisë së Jashtme ruse Maria Zakharova tha se në ambasadat ruse në vendet europiane po vijnë lloj-lloj kërcënimesh. Sipas Zakharovës, diplomatët rusë janë aktualisht “në qendër të vëmendjes”, ndërkohë që po dëmtohen edhe asetet diplomatike ruse. “Diplomatët jetojnë me të vërtetë në vijën e parë të betejës. Kemi parë madje edhe sulme me makina ndaj ambasadave tonë”,thotë ajo. Sipas saj, një nga qëllimet e një "fushate politike" të tillë kundër Rusisë ishte të thyente shërbimin diplomatik rus në mënyrë që ata të kthehen në spiunë të agjencive perëndimore. Po ashtu, edhe ministri jashtëm rus,Sergei Lavrov tha një ditë më parë se Perëndimi shpalli një luftë hibride kundër Moskës, me përjashtimin e plotë të shërbimit diplomatik rus nga arena ndërkombëtare. Ai pohoi gjithashtu se në Perëndim, diplomatët rusë morën letra që përmbanin oferta bashkëpunimi me shërbimet speciale të këtyre vendeve. ‘Ishin shantazhe dhe kërcënime që me ndërgjegjen të zgjohen, ta ndjekin, të dalin nga ambasada dhe të fillojnë të ndërveprojnë me Perëndmin”, tha Lavrov