Vijon të jetë shqetësuese situata nga koronavirusi në Shqipëri. 2 viktima te tjera u shenuar nga covid ne 24 oret e fundit. Kete e konfirmoi raportimi i Ministrise te Shendeteise, ku shtoi se nga 451 testet te kryera, 96 raste rezultuan pozitive. Në 24 orët e fundit, nuk e kanë fituar dot betejën me sëmundjen 2 qytetare. Një 64-vjeçare nga Shkodra dhe një paciente 63-vjeçare nga Elbasani, megjithë përpjekjet e stafit mjekësor nuk ka mundur të mbijetojë. Ministria e Shëndetësisë dhe Mbrojtjes Sociale u shpreh ngushëllimet familjarëve. Në 24 orët e fundit janë shëruar 48 qytetarë, duke e çuar në 2062 numrin e të shëruarve që nga fillimi i epidemisë. Në vendin tonë aktualisht janë 1508 persona aktivë me COVID19, kryesisht në Tiranë, Shkodër, Krujë, Durrës. Autoritetet vijojne apelin duke iu drejtuar çdo qytetari, të vendosë maskën në ambientet e mbyllura dhe kudo ku nuk ruhet distanca, edhe në ambiente të hapura, të tregoni kujdes me masat e higjienës dhe të ruani distancën fizike nga të tjerët, nëse nuk janë familjarët tuaj.