Si në gjithë rajonin edhe në Kosovë shifrat e viktimave dhe të prekurve nga koronavirusi janë në rënie. Sipas njoftimit të Institutit të Shëndetësisë shifrat janë në nivelin e një dite më parë. Kështu në Kosovë, katër persona kanë humbur jetën dhe 234 të tjerë kanë rezultuar me COVID 19 në 24 orët e fundit. Rastet e vdekjes janë nga komunat: Prizren 2 raste, Malishevë 1 rast dhe Prishtinë 1 rast. Numri total i viktimave në Kosovë ka shkuar në 1.344 që nga fillimi I pandemisë, ndërsa I të prekurve me covid 19 është 51.965 raste Gjatë 24 orëve të fundit, janë shëruar 420 pacientë derisa numri i përgjithshëm i të shëruarve deri më sot është gjithsej 42.635 raste, kurse numri i rasteve aktive është 7.986. Rastet pozitive janë nga komunat: Prishtinë 125 raste, Prizren 31 raste, Fushë-Kosovë 13 raste, Mitrovicë 13 raste dhe më pak në komunat e tjera.