Situata epidemiologjike në vendin tonë vijon të ketë të njëjtin ritëm, ndërsa shifrat e infektimit dita ditës rriten, po ashtu edhe numri i viktimave. Ministria e shëndetësiësë ka bërë me dije se në 24 orët e fundit janë regjistruar 1549 infektime nga 5662 testime të kryera. Më tej bëhet me dije se 6 persona humbën jetën për shkak të virusit të rrezikshëm. Në njoftimin zyrtar thuhet se betejën nuk e fituan tre qytetarë nga Tirana të moshave 63-91 vjeç, një qytetare nga Durrësi 74 vjeçe, një qytetar nga Saranda 74 vjeç dhe një qytetar nga Kruja 85 vjeç. Po gjatë kësaj fashe orare janë shëruar 1794 qytetarë, duke e çuar numrin e të shëruarve në 227,629 që nga fillimi i epidemisë në vendin tonë. Aktualisht në spitalet COVID po marrin trajtim 136 pacientë, nga të cilët 7 janë në gjendje më të rënduar. Ndërkohë që, 23 mijë e 168 qytetarë janë aktivë me covid19 në të gjithë vendin.