Rritja e beftë me 25 deri në 30 për qind e çmimit të plehërave kimike për fermerët në Shqipëri nuk përligjet as nga rregullat e një tregu të lirë dhe konkurrues dhe as nga të dhënat zyrtare të doganave. Të dhënat zyrtare nga doganat tregojnë se plehërat kimike të importuara në Shqipëri përgjatë vitit 2026 janë blerë nga grosistët e tregut më lirë se sa në vitin 2025. Shifrat tregojnë se në fillim të këtij viti, në Shqipëri u importua ure, sulfat dhe nitrat me çmim 3200 lekë për kuintal, ndërsa në vitin 2025, çmimi i importit të tyre ishte 3500 lekë për kuintal.