Numri i lindjeve ka shënuar një rënië të konsiderueshme vitet e fundit dhe një rol të rëndësishëm ka luajtur emigrimi i të rinjve. Nga ana tjetër prirja e të rinjve për të pasur një fëmijë në moshë të madhe mund të bëjë që të reduktohet numri i fëmijëve që gratë mund të kenë gjatë jetës së tyre. Një artikull i revistës Monitor thuhet se gratë që janë të orientuara nga karriera mund t’u japin përparësi profesionit duke e vënë përpara krijimit të një familjeje. Ndërkaq sipas të nëjtit artikull në uljen e numrit të lindjeve ndikojnë një sërë faktorësh si planifikimi familjar dhe kostja e jetesës. Megjithë rënien e lindjeve, ka disa politika nxitëse për familjet që mund të ndikojnë në përmirësimin e situatës, duke nisur nga stimujt financiarë për familjet e mëdha, aplikimi i programeve për mbështetjen financiare të të rinjve studentë, të cilët duke u mbështetur që gjatë viteve studentore, kanë më shumë siguri për të ardhmen. Duke u përballur me kosto të larta jetese, planet e të rinjve për të pasur fëmijë dhe për të zgjeruar familjet nuk janë aspak të favorizuara.