Joe Bideni është politikan, në dallim nga Donald Trumpi, që është biznesmen, thotw DW. Bideni ka qenë zëvendëspresident në administratën e Barack Obamas dhe e ka nisur karrierën që në vitin 1974, kur bota kishte më shumë rregulla. Pritet që stili i komunikimit dhe toni i tij të jenë të ndryshme nga ato të presidentit Trump. Pak vetë dyshojnë se Bideni do të sillet me respekt me aleatët. Nga një president Biden në Gjermani presin që të riparojë deformimet e katër viteve të fundit, në marrëdhëniet me Berlinin. Ai ka thënë se do ta rishikojë vendimin e Trumpit për të tërhequr një të tretën e 36.000 ushtarëve amerikanë, që janë stacionuar në Gjermani. Edhe nw raport me Rusinw, qwndrimet I ka tw ngjashme me gjermanwt: kritike, por realiste. Ashtu si Gjermania, Joe Bideni është për mbrojtjen e klimës. Deklarata e tij se SHBA do të aderojë sërish në Marrëveshjen e Parisit për Klimën, po u zgjodh ai President, u dwgjua me vëmendje në Gjermani. Por një kthesë 180 gradëshe në marrëdhëniet dypalëshe, nuk pritet as me Bidenin. Që në vitin 2017 kancelarja Angela Merkel e ka bwrw tw qartw se “ne duhet ta marrim në duart tona fatin tonë, natyrisht në miqësi me SHBA". Në ekonomi mendohet se fërkimet tregtare me BE do të mbeteshin pak a shumë të njëjta. Sipas disa vëzhguesve, edhe Bideni është proteksionist. Ai mbron koncepte që orientohen në tregun e brendshëm amerikan. Në politikën e jashtme: në këto katër vjet, Gjermania dhe Evropa janë larguar disi nga parja e SHBA si qendër e botës. Ka nisur një emancipim, për ta marrë fatin vetjak në dorë. Fjala për „sovranitetin evropian" dëgjohet tani si në Berlin, ashtu edhe në Paris. Këtë e ka ndikuar edhe fakti që Evropa nuk ka më rëndësinë e mëparshme për SHBA. Vëmendja amerikane tani është përqendruar te Kina dhe te Rusia.