Në Spanjë, vijojnë polemikat e forta në lidhje me gjestin e presidentit të Federatës së Futbollit, Luis rubiales që puthi jennifer Hermoson në momentin e ceremonisë së dorëzimit të trofeut të kampiones së botës te skuadra iberike. Ishte një situatë ku ndërhyri edhe vetë kryeministri i vendit Pedro Sanchez, pasi vetë Rubiales kishte kërkuar ndjesë për gjestin e tij. Teksa priti skuadrën kampione të botës, shefi i qeverisë spanjolle tha se vetëm ndjesa nuk mjafton për Rubiales pasi veprimi i tij ishte i papranueshëm. Ndërsa prej ditësh po kërkohet dorëheqja e Rubiales, Federata Spanjolle e Futbollit ka vendosur mbajtjen me urgjencë ditën e premte të asamblesë së jashtëzakonshme të saj. Në të njëjtën kohë qeveria e futbollit në vendin iberik bëri të ditur se ka nisur hetimet e brendshme të saj në lidhje me këtë cështje.