Skuadra përfaqësuese e Cekisë zhvilloi në Air Albania Stadium stërvitjen e fundit në prag të ndeshjes me Kombëtaren shqiptare për kualifikueset e Euro 2024. Trajneri Jaroslav Silhavy, në konferencën për shtyp deklaroi se skuadra e tij ka ardhur në Tiranë për të marrë 3 pikët e kësaj sfide ‘jemi të motivuar për të bërë mirë. Ne kemi ardhur këtu për një rezultat pozitiv dhe skema me të cilën do të luajmë do të vendoset në fund, por do të jetë një skemë që ne mendojmë që do të na sjell rezultat. Në lojë janë tri pikë për t’u kualifikuar dhe ne do të luajmë për ato tri pikë. Unë besoj se skuadra jonë është me përvojë të tillë dhe e ka treguar se në ndeshje të tilla të vështira ku luhet për jetë a vdekje i ka vlerësuar dhe ia ka dalë të fitojë. Unë e vlerësoj dhe e shikoj që këtu atmosfera për ekipin shqiptar është shumë e lartë, por shpresoj që do arrimë të fitojmë.”