Policia e Tiranës ka zbuluar një apartament të përshtatur si call center, ku shtetas të huaj janë mashtruar për të investuar në bursa fiktive përmes telefonit. Gjatë operacionit policor të koduar "Location 2", është arrestuar organizatori i veprimtarisë, ndërsa janë proceduar në gjendje të lirë 5 shtetas të tjerë, të cilët u kapën në flagrancë brenda apartamentit. Në lidhje me këtë veprimtari, është shpallur në kërkim një shtetas 37 vjecc i cili e kishte marrë apartamentin me qira për këtë qëllim. Sakaq janë sekuestruar pajisje kompjuterike, celularë dhe prova të tjera materiale. Hetimet, të cilat u realizuan në dy muaj, u udhëhoqën nga Prokuroria dhe specialistët e Seksionit për Hetimin e Krimeve Ekonomike dhe Financiare, në bashkëpunim me Forcën Operacionale të Drejtorinë Vendore të Policisë Tiranë.