Pas dërgimit të dosjes së Erion Veliajt bashkëshortes së tij dhe 16 personave të tjerë në GJKKO nga ana e SPAK, është caktuar si gjyqtare e çështjes Etleva Deda. Veliaj akuzohet për korrupsion në nëntë raste, për pastrim të produkteve të veprës penale, fshehje të të ardhurave, shpërdorim detyre dhe për mbajtjen e sendeve të ndaluara në gjatë qëndrimit në paraburgimin e Durrësit. Në të njëjtën dosje nën akuzë janë edhe disa kompani e biznesmenë si edhe deputetja në largim e Partisë Socialiste, Klotilda Bushka, që akuzohet nga SPAK për kryerjen e veprimeve që pengojnë zbardhjen e së vërtetës. Sipas SPAK, ekzistojnë të dhëna konkrete, të cilat të çojnë tek dyshimi i arsyeshëm se personi nën hetim Klotilda Bushka ka kryer veprime aktive të kundërligjshme, të cilat kanë ndikuar në hetimin e SPAK ndaj kryebashkiakut Veliaj.