Shtrenjtimi i produkteve të shportës goditi financat e të gjithë qytetarëve shqiptarë, e sidomos të pensionistëve. Fill pas përfundimit të mbledhjes së kabinetit qeveritar, këtë të enjte, ministrja e financave, Delina Ibrahimaj deklaroi se do të indeksohen pensionet me 3.3 për qind, për t’u ardhur në ndihmë pensionistëve. Sinkron Ibrahimaj: “3.3 % indeksim të pensioneve ose 3.3 mld lekë. Parashikimi fillestar ishte 2.4 % , megjithatë për shkak të rritjes së çmimeve indeksimi do të bëhet i rritur me 3.3 %. 2500 lekë është shtesa e në një familje mesatare lidhur me rritjet e çmimeve të shportës, ne kemi dhënë 3000 lekë”, Ndërkohë, pas skandalit të rrjedhjes së të dhënave personale, ministri Ulsi Manja u shpreh se qeveria shqiptare do të ratifikojë dy konventa të Këshillit Europian, njëra për aksesin në dokumentet zyrtare dhe tjetra për mbrojtjen e të dhënave personale, me qëllim rritjen e standardit të mbrojtjes së të dhënave personale.