Kryebashkiaku i Tiranës, Erion Velaj prezantoi projektbuxhetin e vitit 2024 me qytetarë dhe grupe interesi në shkollën e re “Kosova” nga ku e vendosi theksin në investimet në arsim dhe ndërtimin e kopshteve, shkollave dhe çerdheve të reja në kryeqytet. “Kemi pasur 20 kopshte të reja dhe kemi rikonstruktuar 34 të tjerë. Në 2023 kemi përfunduar katër kopshte të reja dhe në vitin 2024 planifikojmë edhe 2 kopshte të tjera: Kopshti 37 dhe kopshti në Arbanë. Për 10 kopshte të tjera na duhet të gjejmë hapësirat dhe bashkia është gati të paguajë qiranë. Sa i përket çerdheve, kemi 9 çerdhe të reja dhe 22 të rikonstruktuara gjatë vitit 2023.. Nëse ecim në këto investime të bashkisë, pra marrja me qira dhe çerdhja te vendi i punës, do të kemi një qytet më të mirë sa i përket kujdesit të fëmijëve. Po ashtu, kemi planifikuar që në vitin 2024 të ndërtojmë kopshtin dhe çerdhen te ish-shkolla 9-vjeçare ‘Migjeni’