Dëshmon për herë të parë para gjykatës së posaçme, Dritan Rexhepi i akuzuar nga SPAK si porositësi i rrëmbimit dhe zhdukjes së Jan Prengës, ngjarje kjo e ndodhur në janar të vitit 2020. Dritan rexhepi - Në fundin e vitit 2019 kam qenë jashtë Shqipërisë. Kam qenë në burg në Ekuador. Kam qenë i dënuar 13 vite për trafik droge. Ju do me pyesni për çështjen apo do me bëni gjyq moral? Kisha 5 vite e 4 muaj që vuaja dënimin. Kisha kontakte me njerëzit jashtë përmes kabinës së burgut. Shqiptarë aty kishte plot në burg, afërsi kisha me njërin nga Kosova. Për trafik droge u akuzova me 10 persona të tjerë. Aso kohe i përfshirë ishte edhe një shqiptar tjetër. Ai doli i pafajshëm. Ai tha se nuk e njeh Gentian Funiqin dhe se akuzat si porositës i rrëmbimit të Jan Prengës i ka mësuar vetëm nga mediat.