Shqipëria duket se përballet me një nyjë gordiane për hapjen e bisedimeve të anëtarësimit me Bashkimin Europian pavarësisht se ka marrë miratimin e vendeve anëtare 2 vite më parë, në mars të 2020-ës. Kryeministri Edi Rama ka paralajmaruar së fundmi Brukselin se Shqipëria do të kërkojë ndarjen nga Maqedonia e Veriut, nëse bisedimet nuk nisin në qershor, p-por kërcënimi politik duket të mos këtë patur asnjnë efekt mbi Bullgarinë. Edhe pse po mban peng të dyja vendet, Sofja iu përgjigj komenteve të kryeministrit shqiptar duke thënë se do të vazhdojë të bllokojë fillimin e bisedimeve të anëtarësimit të Shkupit në BE. Bullgaria thotë se bllokada do të zgjasë derisa të marrë "garanci kushtetuese" për të drejtat e pakicave etnike bullgare në Maqedoninë e Veriut, edhe pse kjo nënkupton se Tirana, e cila nuk ka asnjë lidhje me mosmarrëveshjen,do të mbetet në dhomën e pritjes. Ministrja e Jashtme bullgare Teodora Genchovska Genchovska u tha mediave të martën në mbrëmje se “qëndrimi i Bullgarisë mbetet i pandryshuar” dhe se Sofja do të vazhdojë të bllokojë procesin derisa të plotësohen kërkesat e saj.