Propozimi për t'u dhënë gjilpëra për humbje peshe personave të papunë që janë obezë mund të jetë "shumë i rëndësishëm" për ekonominë dhe shëndetin tonë, ka thënë kryeministri britanik për BBC. Keir Starmer tha se ai është i ndërgjegjshëm se nevojiten më shumë para për shërbimin shëndetësor në britani dhe qeveria gjithashtu duhej të "mendonte ndryshe" për të lehtësuar presionin mbi sistem. Komentet e tij erdhën pasi Sekretari i Shëndetësisë, Ëes Streeting, tha se vaksinat mund të jepeshin për të ndihmuar njerëzit të kthehen në punë. Disa injeksione janë përshkruar tashmë në NHS për trajtimin e obezitetit, si dhe për njerëzit me diabet. Streeting tha se ilaçet mund të "ndryshojnë jetën" për shumë individë. Keir Starmer thotë ndërkohë se ato do të ishin "shumë të dobishme" për njerëzit që duan dhe kanë nevojë të humbin peshë. Në një opinion për The Telegraf, sekretarja e Shëndetësisë ka shkruar: “Obeziteti po ngarkon edhe shërbimin tonë shëndetësor. Përfitimet afatgjata të këtyre barnave mund të jenë monumentale në qasjen tonë për të trajtuar obezitetin". Anketa e fundit e NHS për Shëndetin, për Anglinë, tregon se në vitin 2022, 29% e të rriturve në Angli ishin obezë dhe 64% konsideroheshin mbipeshë. Sëmundjet që lidhen me obezitetin i kushtojnë NHS-së 11 miliardë paund në vit, tha Streeting. Obeziteti ka qenë gjithashtu i lidhur me zhvillimin e diabetit të tipit 2, me NHS që shpenzon rreth 10 miliardë paund në vit ose 9% e buxhetit të saj, për t'u kujdesur për njerëzit me diabet. Deklaratat vijnë pasi qeveria njoftoi një testim në një periudhë pesëvjeçare në Mançester, të ilaçit për humbje peshe Mounjaro. Prodhuesi i tij, Lilly, kompania më e madhe farmaceutike në botë, po investon 279 milion paundë për testimin që do të shqyrtojë nëse përdorimi i ilaçit do të reduktojë papunësinë dhe barrën e NHS-së. Zyrtarët e shëndetësisë kanë sugjeruar që shpërndarja e ilacit në të gjithë Anglinë duhet të jetë i shkallëzuar, për shkak të niveleve të larta të parashikuara të kërkesës. Gati 250,000 njerëz pritet të marrin injeksionin Mounjaro gjatë tre viteve të ardhshme, thanë zyrtarët. Sekretari i shëndetësisë shtoi se nga injeksionet për humbje peshe mund të përfitojë edhe ekonomia, pasi do të reduktonin numrin e ditëve të raportit shëndetësor për shkak të obezitetit. "Sëmundjet e shkaktuara nga obeziteti bëjnë që njerëzit të marrin mesatarisht katër ditë shtesë raport në vit, ndërsa shumë të tjerë detyrohen të largohen nga puna fare," tha ai.