Në Mbretërinë e Bashkuar nisi imunizimi kundër koronavirusit me vaksinën Oxford/AstraZeneca. Brian Pinker, 82 vjeç, u bë personi i parë që mori këtë vaksinë në Spitalin Universitar të Oksfordit. Sekretari britanik i Shëndetësisë, Matt Hancock, e përshkroi kwtw si “një moment shumë të rëndësishëm” në luftën e Mbretërisë së Bashkuar kundër koronavirusit. Britania është një nga vendet më të prekura në Europë, me mbi 2.6 milionë njerëz të infektuar dhe me shume se 75,000 viktima.Rregullatorët shëndetësorë britanikë e kanë miratuar vaksinën Oxford/AstraZeneca në 30 dhjetor. Deri më tani, autoritetet kanë porositur 100 milionë doza nga prodhuesi AstraZeneca – të mjaftueshme për vaksinimin e 50 milionë njerëzve.Në Mbretërinë e Bashkuar, qe ne 8 dhjetor, është në përdorim edhe vaksina tjetër kundër koronavirusit, e njohur si Pfizer/BioNTech. Kjo vaksinë jepet tashmë edhe në vendet e Bashkimit Europian, në SHBA, Kanada dhe disa shtete të tjera. Vaksina e Oxford/AstraZeneca pritet të çojë në rritje të konsiderueshme të vaksinimit, pasi është e lirë dhe prodhohet lehtë në masë.Ajo mund të ruhet në frigorifer standard, ndryshe nga Pfizer/BioNTech që ka nevojë për ruajtje në temperaturë ultra të ftohtë: -70 gradë Celsius.