Gjykata e Lartë Federale e Brazilit urdhëroi arrestimin e Ervin Matës, ndërsa shteti shqiptar kërkon ekstradimin e tij. Urdhri sipsa mediace brazilaine u lëshua më 11 Mars, por vendimi u zbardh më 23 shtator. "DEKRETOJ arrestimin paraprak të ERVIN MATA-s, duke urdhëruar lëshimin e një urdhër-arresti, përmbushja e të cilit duhet t'i komunikohet menjëherë kësaj GJYKATE SUPREME, Ministrisë së Drejtësisë, Interpolit dhe përfaqësisë diplomatike të shtetit të interesuar", urdhërojnë autoritetet braziliane. Mata vazhdon të jetë në arrati. Ndërkohë që qeveria shqiptare ka paraqitur një kërkesë tek austroitetet braziliane për ekstradimin e tij pasi dyshohet se koordinoi trafikimin e 240 kg kokainë në Frankfurt të Gjermanisë, në shtator 2020. Ai është shpallur në kërkim në nëntor të vitit 2023 me urdhër të SPAK për pjesëmarrje në një grup të strukturuar kriminal me aktivitet në fushën e trafikimit të lëndëve narkotike nga Amerika Latine në Europë. Në këtë grup kriminal prej 11 personash të dërguar në gjyq me dosjen "Metamorfoza 2", të përfshirë janë dhe ish-nëndrejtori i Policisë së Tiranës, Erzen Breçani dhe djali i tij Eralbi Breçani.