Sekretarja e jashtme britanike Liz Truss u përplas me homologun e saj Sergei Lavrov për Ukrainën, një ditë më parë, kur u ndalë në moskë për të kërkuar që kjo e fundit të zbusë retorikat e saj të luftës së ftohtë. Mesazhi i dhënë prej saj ishte se kremlini duhet të zbrapset nga një pushtim i mundshëm i Ukrainës, që do të ishte katastrofik dhe bisedimet në Moskë ishin qartazi të tensionuara. Në vizitën e parë të saj në Moskë ajo paralajmërois e Kievi nuk duhet bullizuar dhe i kërkoi rusisë të mos bëjë asnjë hap përtej kufijve të Ukrainës. Por në diskutime dhe në konferencën për shtyp pas tyre, Lavrov lëshoi një seri akuzash, duke hedhur poshtë ultimatumet dhe moralin e perëndimit dhe duke i quajtur bisedimet ‘të shurdhëra dhe memece’. E në një skenë të fiksuar edhe në kamera, ai largohet në mënyrë dramatike duke i dhënë fund konferencës për shtyp e duke e lënë sekretaren britanike në podium, të vetme.