Bota po mban frymën pezull sot në pritje që Vladimir Putin të kthejë përgjigje pasi ai mori dy letra në të cilat hidheshin poshtë kërkesat e tij kryesore të sigurisë për Ukrainën. Dimitri Peskov, zëdhënës i Putinit, tha të enjten se presidenti rus po vazhdon ti shqyrtojë letrat nga sekretari amerikan i shtetit Antoni Blinken dhe shefi i NATO-s, Jens Stoltenberg, që raportohet se kanë përjashtuar mundësinë që Ukraina të ndalohet nga aleanca dhe të tërhiqen trupat nga ish shtetet sovjetike. Letra e Blinkenit u dorëzua në ministrinë e jashtme ruse mbrëmjen e të mërkurës, personalisht nga ambasadori John Sullivan, i cili u pa të dilte nga ndërtesa ndërsa binte borë, i mbështjellë me një pallto të zezë dhe me një zarf në dorë. Duke i dhënë pak hapësirë kërkesave kryesore të Rusisë, Blinken tha se letra e tij përbën një ofertë serioze për shtensionimin e situatës, dhe përfshijnë edhe armët bërthamore dhe kufizimet e stërvitjeve ushtarake. Peskov ndërkohë tha se ka pak vend për optimizëm pas një leximi fillestar dhe se shqetësimi kryesor i Moskës ëhstë injoruar. Por ai la hapur mundësinë e bisedimeve të mëtejshme, për momentin. “Ne nuk do të nxitohemi me një vlerësim tonin” tha ai.