Presidenti Vladimir Putin i tha rusëve të martën se bota është në një pikë kthese dhe se ata janë të angazhuar në një luftë patriotike për të ardhmen e vendit të tyre ndërsa vendi shënon përvjetorin e fitores mbi Gjermaninë Naziste në Luftën e Dytë Botërore. “Sot civilizimi është sërish në një pikë vendimtare kthese. Një luftë e vërtetë është lëshuar kundër atdheut tonë. Ne kemi zbrapsur terrorizmin ndërkombëtar, ne do të mbrojmë banorët e Donbasit, ne do të garantojmë sigurinë tonë”, tha Putin. Në një fjalim 10 minutësh në sheshin e kuq, Putin ka përsëritur mesazhe të dëgjuara edhe më parë në thuajse 15 muajt e luftës së rusisë në Ukrainë. Ai tha se elitat globaliste perëndimore po mbjellin rusofobi dhe nacionalizëm agresiv, ndërsa populli ukrainas është bërë peng i ambicjeve të perëndimit. Ai nuk foli për sfidat me të cilat po përballet rusia, ndërsa forcat e saj përgatiten për një kundërsulmë të madh të Ukrainës, dhe as nuk nënvizoi se cila do të ishte rruga që rusia do të ndiqte për të arritur fitoren. Fjalimi u pasua nga një paradë e madhe ushtarake në sheshin e kuq, ndërkohë që masat e sigurisë ishin të jashtëzakonshme për shkak të frikës nga një seri sulmnesh të kryera brenda në rusi këtë muaj, përfshirë edhe një sulm të supozuar me dronë mbi kremlin, jvën e kaluar.