Avionët polakë dhe të aleatëve ndezën motorët me urgjencë dhe u ngritën në fluturim të hënën për të garantuar sigurinë e hapësirës ajrore polake pasi Rusia nisi sulme ajrore që synonin Ukrainën perëndimore, pranë kufirit me Poloninë, tha Komanda Operacionale e forcave të armatosura polake. "Hapat e ndërmarrë synojnë të garantojnë sigurinë në rajonet që kufizohen me zonat në rrezik", tha Komanda në platformën X. E gjithë Ukraina ishte nën alarm për sulme ajrore që nga ora 02:00 e së hënës pasi Forcat Ajrore Ukrainase paralajmëruan për sulme me raketa dhe dronë rusë. Dronë dhe raketa u lëshuan në Kiev ndërsa bombarduesit strategjikë rusë Tu-22M3 thuhet se lëshuan një shi ferri mbi Ishullin e Gjarprit në Detin e Zi. Moska nisi një sulm masiv në Rivne duke përdorur bombarduesit e saj strategjikë Tu-22M3 dhe Tu-95MS për të goditur bazën ajrore Dubny. Një tjetër aeroport ushtarak ukrainas, ai i Hostomelit, u sulmua gjithashtu ndërsa Putini kërkoi hakmarrje për sulmin poshtërues që ukraina kreu mbi bazat e saj ajrore thellë në territorin rus. Rusia lëshoi raketa vdekjeprurëse hipersonike Kinzhal, ose Dagger, të lëshuara nga ajri nga avionët luftarakë supersonikë MiG-31K.