Ish-kryeministri suedez, Carl Bildt, ka reaguar përmes një postimi në X, për krizën politike disa mujore në Kosovë. “A do të ketë ndonjëherë Kosova një qeveri të re?”, ka ngritur pyetjen ish-kryeministri suedez. Bildt ka thënë se pamundësia për të ecur përpara e ka dëmtuar kredibilitetin e shtetit të Kosovës dhe se kjo është gjë e keqe për të gjithë. Deputetët e Kuvendit të Kosovës nuk arritur as për të 50-ën here, të hënën e 21 korrikut të konstituojnë Kuvendin e Kosovës, pavarësisht zërave se në fundjavë do të mund të arrihej një marrëveshje për zhbllokim të situatës. Kreu i Lëvizjes Vetëvendosje, njëherësh kryeministri në detyrë i Kosovës, Albin Kurti, gjatë një konference për media tha se partia është gati për të bashkëqeverisur me Nismën Socialdemokrate të Fatmir Limajt, parti së cilës tha se i ka bërë ofertë konkrete. Ai tha se nuk mund të japë detaje pasi kjo ofertë ende nuk është konkretizuar në marrëveshje, duke theksuar se "nevojitet të vazhdojnë bisedimet dhe vullneti politik", në mënyrë që të krijohen institucionet e reja.