Popullsia në vend përveç pakësimit, është plakur dhe moshat e vjetra tashmë dominojnë. Një gjë e tillë u tregua dhe në të dhënat e censit 2023, ku mosha mesatare e popullsisë u rrit me 7 vite nga 2011. Kështu nga 35.5 vjet që ishte ka arritur në 42.5 vjet. Faktorët ndikues të lindjeve, vdekjeve dhe migracionit ndërkombëtar dhe të brendshëm sollën, sipas Monitor, ndryshimin e strukturës së popullsisë, në Censin e 2023. Të dhënat e Censit 2023 tregojnë se një në pesë individë janë 65 vjeç e lart, krahasuar me një në nëntë individ ënë Censin e vitit 2011. Tranzicioni drejt një popullsie më të vjetër vihet re edhe në raportet e varësisë. Raporti i varësisë së të rinjve pësoi rënie në 24,0% nga 30,4% vlerësuar në Censin e 2011, dhe raporti i varësisë së të moshuarve shënoi rritje në 30,4% nga 16,7% në 2011. Analizuar në nivel qarku, Kukësi dhe Gjirokastra mbajnë pozicione të kundërta në termat e raporteve të varësisë: Kukësi ka raportin e varësisë së të rinjve më të lartë (31,8%) dhe raportin më të ulët të varësisë së të moshuarve (19,9%).Për bizneset, zvogëlimi i popullsisë dhe mplakja e saj ndër vite e ka bërë edhe më të mprehtë problemin e gjetjes së punëtorëve.